هَلّا هَلّا
هامه گردِت، طعنه مه مِین و فِرّه خوارمه مَکی
جنسِ کم ارزشِ ناقابلِ بازارمه مَکی
نیشتیه اَر دنِ چیتِت، مَلِّ اِی گَلّ بِرّیا
دی اَرّا وَ گال قی، متورنیم، تارمه مَکی
آوه لیزم، کِش نکه، گِرّی قرارِم بِگِری
مَزونم هَلاهَلایه، بی پلامارمه مَکی
تقِ هُرِّ دنِ کَر کیت، آ نِموسی تا شفق
مَر چَنی سیخ آژِنِ گیونِ چوی تَمدارمه مَکی
جِمیامیر، اِی جیای آو گُمَلی خاکِت رِشُ ن*
نوم پِلَکونه، شاواکی تیتِلَک، بارمه مَکی
چَنیکَه پِلمیژیامه، کَتِمه اِی وَر دِلَک
اَخِنکه دَسه وِلیکِ لَشِ بیمارمه مَکی
تیره مایجین و کمونِت اِی کَشِت آشاریا
دَس و َ نامردی نَشین، چوی مارِ زَمدارمه مَکی
وِتِم اَر لیسکِ سفیده، هِی بِکیم اَر قافله
دو کمون هوَر بِلنگه، اَسکه خَوَردارمه مَکی
وِری، اَژ ای زِمگه کهنه، دل بِکَنیم و بِچیم
سر بنیم اِی وَر، بِمینیم وَ خَنه جارمه مَکی
بوش«کرم» رخشِ قلمم جُرّیا دنگت نوی
ایسکه سیرِ کِهرِ بی یال و اُسارمه مَکی
------------------------------------------------
*پاشیدن خاک پشت سر مسافر برخلاف پاشیدن آب،
به این معنی است که مسافر برود و هرگز برنگردد.
گرفته شده از کتاب شعر پژاره صفحه 82
