بو تُرخه
چَنی خاک و چَنی کُچِک بِواری
چَنی پِژارَه اِی لاّرک بِواری
چَنی می یارما هُشک بو، بِگینی
بو تَرخه بای و خاک نِک بِواری
چَنی زُخ بردیِ اَفلیسِ بدبخت
سَره چیت بوین و تورزیلِک بِواری
چَنی وارونِ خم و توزِ دل گیر
دودُونگ و یِ انه تک تک بِواری
چَنی اَر اِی سِخونِ بی مِرِقته
خرّشتِ تیرِ قلماسک بّواری
چَنی اُور اَر دو چمت گیژه ماری
مَری می تمی اَر نارِک بِواری
چَنی دردِ تریوت قویت ارا می
کی اَر بار لِچِت کُلشک بِواری
چَنی وشم و سوینت بی هلاجه
مگر ای دارِ وَن جاجِک بِواری
چَنی هوکاره شاقه شاقِ کوگی
بیلا عشق اَژ نوکِ وارِّک بِواری
چَنی اَژ ای سراوَه ژرِ کاومار
وَ ساق اسبنِ ترجک بِواری
«کرم» دیروختِ داوت دشمن اَر پی
هناکَ گرز بابرزک بِواری
--------------------------------------
گرفته شده از کتاب پژاره صفحه 67
